今日十場田草賽事用A加3欄作賽，現時的場地指數是2.71，掛牌好地，如天氣情況許可下，將按計劃在第5場後進行壓地。
睇番最近3月28日同一移欄賽事，當日場地指數2.7，與今日相若。當日除了兩場高班中長途由「佳龍駒」及「歡樂盈盈」後上勝出之外，其餘頭馬全部守前列入直路建功，其中「開心遊戲」、「精算追擊」、「貝連利」、「歡樂一生」及「幸運歡笑」更加放頭帶到，所以無可避免仍然要秤先具前速之馬匹，加上季尾賽事，不少馬匹有疲態，擺前走始終較着數。
第四場「天外之天」曾在A加3欄三度勝出，亦係全場唯一贏過此移欄之參戰馬，憑較佳場地性能可重開勝門。另外，第八場「人強馬勁」三次跑A加3欄都未輸過，今次重返強項，有力勝出首屆獅子山錦標。