【新增動新聞】
家陣體壇女神係邊個？仲答舒娃就真係out晒，田徑賽場就有位叫舒美狄（Alica Schmidt）嘅18歲德國嫩口新星，開始多人關注，最攞命係佢成日喺自己社交網絡帳戶分享性感pose相，搞到德國嗰邊啲少男坐立不安。

18歲嘅舒美狄，擅長200、400同800米跑項目，今個夏天先代表德國出戰完歐洲U20田徑錦標賽，仲喺4x400接力為國家攞咗面銀牌，亦因為咁，開始好多人留意到佢，睇好佢會喺三年後東京奧運更加出眾。不過，任你話cheap又好，天性又好，男睇女，跑成點都係其次，最緊要樣靚身材正，而淨係呢一點，一頭金髮嘅舒美狄已經可以同年少時嘅舒娃或寶查BB等體壇靚女睇齊。

家陣佢個IG帳戶已經有超過3萬名粉絲追蹤緊，而兩星期前，佢分享咗一段著住比堅尼喺沙灘做誘人姿勢同游水等等嘅片段，都有成3.3萬人㩒入去睇。成日影開靚女嘅體育網站《Busted Coverage》，最近就將舒美狄選為當今最性感嘅田徑運動員。

想睇多啲佢嘅靚相及片，可以登入﹕ https://www.instagram.com/alicasmd/