【21:10新增回應】

日前有讀者向《蘋果》「爆相爆片」指巨聲幫嘅林欣彤(Mag)，外表清純，但其實係「最強小三」，指佢暗交2017年華姐冠軍余思霆男友、即MK組合天堂鳥成員歐鎮源（Tyrese）。事後Mag同Tyrese回覆本報時均稱對方係好朋友；而余思霆亦表示信任男友，唔會呷醋。(新聞連結： https://bit.ly/2KuBqqu )

事件曝光後第二日，男主角Tyrese就出席ROCK'n Life音樂會，當時佢堅稱同余思霆有共識以結婚為目標(新聞連結： https://bit.ly/2KxbHxA )

但今日余思霆突然喺ig貼圖，留言話：「你是個一位很好的男生，謝謝成長的路上有你陪伴。希望日後大家各自都會有更好的發展」，似暗示已經同Tyrese情已逝，但都希望大家會有更好嘅發展。

余思霆承認與Tyrese分手，問係咪與林欣彤有關？余思霆回覆：「因為工作忙，大家變得好少見面，關係續漸疏離。唔關第三者嘅事，係我哋兩個人嘅問題，純粹順因為大家工作忙少見疏離，喺二、三月已經講過分手，之後大家就慢慢咁疏離，自然分手。很謝謝一路上有他的陪伴。」

甩拖余思霆今晚現身樂易玲生日會，佢未受失戀影響，笑晒口到賀，余思霆話：「咁樂小姐生日，應要開心啲。」兩人時決定分手？余思霆話：「三個月前，我哋開始話要平靜吓，大家工作都忙，少聯絡。直至呢兩日，大家傾咗，先決定分開，有呢個決定。」分手可跟林欣彤有關？余思霆答：「完全唔關第三者事，主要大家忙，我忙，佢又忙寫歌，時間上少見，大家又唔同發展，所以先有呢個決定，分手仍然係朋友。」余思霆再拍拖會唔會揀圈中人？佢話：「我嚟緊會好好工作，同練好廣東話。」

精選娛聞，喺晒《娛果》
http://fb.com/appledailyent