香港嘅大學好似間間都同奧運有關係，除咗理大派咗好多員工去內地幫運動員做物理治療、義工之外；浸大又有校長吳清輝、乒乓孖寶嘅李靜同高禮澤等出動迎聖火。同奧運馬術場地咁接近嘅中文大學，當然唔會執輸啦，中大話由於奧運馬術舉行期間，佢哋係比賽場地嘅中轉站，中大決定喺馬術舉行期間搞嘉年華會，到時校園內四處都會放滿同馬術有關嘅展板，亦會舉行唔同嘅健康講座，以求達到與民同樂，同時希望參加奧馬嘅人士，可以順道參觀吓中大。
香港首席壁球手趙詠賢、男子三項鐵人李致和同女子團體佩劍運動員鮑明慧都係中大畢業生，中大唔知會唔會請呢幾位校友返嚟，向市民講解馬術及奧運知識呢？