【旺角騷亂案】
【本報訊】去年大年初二發生的旺角騷亂，其中9人被控暴動的案件昨續審。控方傳召兩名警員作供，他們在案發翌日截查第五被告霍廷昊，查閱其手機語音訊息，警員記得內容提及「好多警察，叫啲人快啲出嚟，玩得好刺激」、「掟X差佬，唔知幾好玩」。

「玩得好刺激」

時任機動部隊警員張俊仁供稱，在旺角發現霍（24歲）及5名男女表現閃縮，於是截查他們，查閱霍的手機，發現霍曾發語音訊息「拎石呀，乜X呀，響度掟X差佬」、「我響旺角，呢度好多人，好多警察，叫啲人快啲出嚟，玩得好刺激」，並搜出一支雷射筆。另一警員李卓強遂以非法集結罪拘捕霍，霍在警誡下稱「我嗰日喺旺角」。李也曾查閱霍WhatsApp語音訊息，控方昨播放訊息包括「玩火……你都可以出嚟MK（旺角）」、「大家一齊玩，喺度掟X差佬，唔知幾好玩」。案件周一續審。
9名被告包括莫嘉濤、鍾志華、何錦森、霍廷昊、陳和祥、鄧敬宗、李卓軒、林永旺及葉梓豐，年齡18至71歲。
案件編號：DCCC 901/16
■記者歐陽聯發

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily