樂意扒房的「花膠扒」、「斧頭扒」賣到出晒名，就連富豪李嘉誠、賭王何鴻燊、「永遠的民間特首」周潤發、「星爺」周星馳都是座上客，現址灣仔告士打道與警察總部相距不足200米，相信亦是「最多警察幫襯的餐廳」，連歷任「一哥」如李君夏、許淇安都有幫襯。記性極佳的五哥William說，首任華人一哥李君夏最愛海鮮焗飯，而且必定坐在面向入口的靠窗圓桌，「紀律部隊都鍾意望晒全間餐廳，睇到咩人出入！」高度戒備的職業本能，連用膳時亦沒半點鬆懈。

港英時代的英國人高官極講禮儀，「入屋一定要除帽，紀律部隊無論一哥、警司入嚟都自動自覺將帽放喺度！」William指著門口的木桌說。「嗰時啲制服好型，佢哋見到要敬禮，如果我係警司，你係督察，你唔敬禮就小心打柴(處分)，哈哈！」1974年至1979年的外籍一哥施禮榮(BrianFrancisPatrickSlevin)，有日「入到嚟係人都鬧，咪唔理佢囉，坐坐吓佢見勢色唔對，就話『Excuseme！Canyouserveme？』」

樂意舊店曾是經典劇集「狂潮」取景地，去年劇中男主角「邵華山」周潤發得悉樂意將結業，特意到訪竟鬧出求職笑話。William憶述，當日「發哥戴住頂cap帽話『我嚟見工』，伙記做緊嘢，就話『見工？入面！』」豁達發哥沒動氣，還主動跟William來張selfie(自拍)。

至於螢光幕上搞笑十足的周星馳亦愛吃牛扒，他曾試過點半生熟牛扒，結果牛扒送上，他吃了一半找來待應說：「麻煩再煮一下，太生了。」

想睇最新消息？　即時follow【現場－蘋果突發】 fb！ http://fb.com/applecitycrime