究竟咩先係香港真正嘅真相?相信數以百萬計港人心知肚明,有手足睇唔過眼,噚日發佈咗條同樣叫「香港的真相」嘅文宣影片,仲好用心整埋中英文字幕,希望等更多人清楚究竟咩先係香港真相。
影片全長4分39秒,解釋港人由和平上街示威,但政府無視訴求,仲以警暴鎮壓,於是令市民更憤怒,最終只能用武力自保,警暴問題亦越來越嚴重,元朗7.21(圖)、太子8.31同圍攻兩大事件嘅片段都有剪輯入去,影片最後用咗西灣河警察向兩個手無寸鐵示威者開槍畫面作結,一眾連登仔就呼籲一定要推爆佢。其實當大家拒絕遺忘守護真相,本身亦係同極權的一種對抗。