由李寶英、曹承佑主演的SBS劇集《神的禮物－14日》，噚晚播出第8集，首次錄得兩位數收視率，以10.6%打破過往收視紀錄。

《神的禮物－14日》由開播至今，一直以緊湊又懸疑的劇情吸引觀眾，收視一直保持平穩上升。但最高都只是去到9.7%，一直未有衝破10%。

直到噚晚嗰集最後5分鐘講到金星（金幼彬飾）嘅死唔關志勳情婦事，以及金秀賢（李寶英飾）拉咗懷疑殺死金星嘅兇手，緊張嘅劇情令收視率突然飆升1.8%，首次衝破10點大關。

至於同時段播出嘅MBC古裝劇《奇皇后》，就繼續以26%成為同時段收視冠軍。