現年31歲嘅加拿大籍韓裔女歌手G.NA，2010年出道後憑D cup身材、好歌喉而人氣急升，不過前年卻捲入賣淫風波，被指曾到美國賣淫3次，雖然G.NA否認指控，但最終仍因違法性買賣相關條例而遭罰款。G.NA隨即被所屬嘅CUBE事務所解約，更淡出演藝圈，近年來已經冇蒲頭。

G.NA爆出醜聞後已經冇更新Instagram，就算去年生日，佢都僅上載一段英文感謝仍然支持佢嘅粉絲，直到噚晚，G.NA沉寂一年終於再更新IG，亦上載與友人嘅開心合照，留言感謝好姊妹「幫我再展笑容」，又加上「see you soon」嘅標籤，似乎暗示重返演藝圈。雖然有粉絲留言表示好掛住偶像，不過亦有網民坦言唔希望佢復出。

精選韓流，喺晒《娛果》
http://fb.com/appledailyent