【新增內容及圖片】
韓國年度電視劇盛事《KBS演藝大賞》今晚舉行，去年KBS因為受工會罷工影響而停辦一年，今年則重新舉辦。

喺頒獎禮舉行一眾入圍者及嘉賓都現身紅地毯，女諧星安素美今年9月升呢做媽咪，事隔3個月佢今日以弗爆身材現身紅地毯。而韓國樂隊FT Island嘅26歲成員崔敏煥，與女團LABOUM 21歲前成員律喜今年奉子成婚，囝囝於5月出世，兩人亦於10月補辦婚禮，今日兩夫婦拍拖現身紅地毯，更奉旨晒恩愛。

《超人回來了》中嘅高志溶同兒子昇材、奉太奎同兒子、李同國聯同子女都有現身紅毯，高志溶同兒子昇材更喺現場咀嘴。

而今晚擔任司儀嘅雪炫今日亦孖其他主持現身紅毯，雪炫日前因感冒喺台上暈倒，佢經過幾日休息後，今日現身公開場合，見佢精神不錯，令粉絲都放下心頭大石。

另外，今晚大獎就由《Happy Together 4》嘅「國民MC」劉在錫、《超人回來了》嘅大發BB國腳爸爸李同國、《不朽的名曲》嘅申東燁等人力爭獎項。

精選韓流，喺晒《娛果》
http://fb.com/appledailyent