啱啱為ViuTV去日本拍攝完選美外景嘅方力申，今日現身中環為藝術節活動擔任活動大使，講到今次外景被女圍時，佢大呻大會安排男女分開入住唔同酒店，佢話「嗰時跟獎門人去外景，夜晚仲一齊玩耍盲雞，o依家就分開。」小方坦言大為失望，更笑指：「早知就唔做呢個節目，呢啲福利嚟o架嘛，o依家變成係專心工作。」今次外景連泳衣環節都無，令佢無緣欣賞佳麗泳裝。

問到有無拎佳麗們電話？佢老實不客氣話「梗係有，o依家選美都去到尾聲，一切都塵埃落定，o依家拎咪無問題。」小方指自己雖然單身，但都有一定要求，講到佳麗有無合眼緣，佢話：「首先要係單身，唔係我啱就得，唔係單方面揀，呢個節目唔係小方揀女友。」