花市精華遊
旺角花市 鴨仔團至多
旺角界限街花墟公園的花墟花市可說是繼維園花市後,另一個大型花市,裏面亁貨濕貨各佔一半。採訪當日就超多幼稚園生去參觀,為照顧小朋友及家庭式顧客,很多攤檔都推出迷你及得意貨品。有幾精采?即逛。
■用牛牛花瓶運載五代同堂,146號檔主話短短數小時賣晒存貨要追加。大牛$69、小牛$48
■竟給我於97-98檔發現蘋果樹,寓意闔家平安。$3,800
■37號檔大賣「靚爆鏡」外,還有珠仔文具。釘書機及膠紙座$100、原子筆$60
■周小朋友們:「我哋買咗串燒三兄弟,媽咪就買咗塊大鏡。唔使半個鐘使近千。」
轉戰荃灣沙嘴道遊樂場,發現幾乎三分二都是賣花,不止桔、桃花,就連鮮花選擇都十分多。而且很多慈善團體也在此投下攤檔。
■179號明愛藝坊,金魚氣球圖及字都由會員繪畫($30),所得款項將全作慈善用途。
前幾日行花市熱到嘔,今晚又話冷風,喺戶外行同人逼又要時冷時熱,真辛苦!apm舉行的第4屆室內年宵市場,今年特地揀選學生或想創業的人士投檔口,內裏又有不同展品,如色彩鮮艷的牛牛,影相取景一流。最重要是不怕日曬雨淋,堪稱行得最舒服。年三十仲開通宵㖭!(查詢:22670500)
■「Maymayking」同樣售自家設計。特地設計的女士新年紅底。
原價$70
特價$49
■「金銀滿屋」約八成貨自家設計,其餘有超大金莎吹氣棒。$88