美斯啱啱先係金球獎輸畀基斯坦奴朗拿度，今年啲獎畀C朗擸晒，難免唔開心。佢近日仲暗示如果阿根廷出年世界盃再衰，就會退出國家隊。

之前喺16年美洲國家盃輸畀智利之後，佢都話唔會再為國家隊效力，點知兩個月就反口。今次信唔信得過？美斯就咁講：「如果阿根廷係世界盃踢得衰，我哋成班球員都應該係國家隊消失。」阿根廷身處嘅D組，有克羅地亞、冰島同尼日利亞，雖然阿根廷喺呢組係最強，不過其他幾隊都係黑馬，絕有能力畀到阿根廷麻煩。特別係尼日利亞，兩隊已經喺小組賽第5次相遇，之前阿根廷都係險勝過關。

而美斯巴塞隆拿隊友馬斯真蘭奴就一早表明，世盃之後就會退出國家隊。佢今季喺巴塞上陣機會大減，隨時走人。美斯就對呢個好朋友相當了解：「如果佢離開，我都明白嘅。佢想踢多啲，每個球員都想，佢覺得自己喺度出得太少。」

----------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM