休班警涉將醉酒女「機友」強姦致懷孕，被控強姦罪，案件今在高院續審。辯方在盤問事主X時指，去年6月19日案發當晚，她稱不想回家，遂同意被告提議到酒店，兩人於的士上已「攬攬錫錫」，而X更醉得甫入酒店便當房間是廁所而於地氈上小便，之後便脫光衣服上床睡覺。X稱不記得，但同意酒醒後被告曾向她指她曾在地上小便，令她感到自己「好肉酸」。X又於庭上突然責罵辯方大狀，稱已忘記被告有否說過「搵間酒店」，大鬧：「你問啲問題唔好咁白痴得唔得？」

辯方指出X對被告李偉嘉有好感，兩人案發前已互發打情罵俏的訊息。辯方讀出兩人於6月18日的WhatsApp記錄，如被告稱感疲倦，X遂問：「有幾累？做賊嚟？」被告反問：「係，你又知嘅？」X即調笑問：「採花賊？」

對話內容又包括X問被告在做甚麼，被告答道「等緊你同我一齊」，X反問：「同緊幾多個女仔咁講？」又指這是她的直覺。被告反駁「唔公平！畀個機會我證明你直覺係錯」，X答好，「睇下我直覺準唔準」，被告追問：「即係一齊？」X答:「睇下你係咪花心蘿蔔」，被告表示「要一齊先可以證明」。

辯方指出「睇下我直覺準唔準」這句已是X答應與被告拍拖，X否認。辯方續指根據X的WhatsApp記錄，沒有了「同我一齊」及「睇下我直覺準唔準」等訊息，質疑X將訊息刪除，X稱不知道。

X在盤問下承認曾經小產，又因吸毒和飲酒令記性不太好。