當年今日
關於我們

  煲呔:「有冇做手腳」
  《蘋果》冠軍相靚到出奇 - 李八方

蘋果日報 2003/03/29 00:00


八方上次講過,《蘋果日報》勇奪「報業公會最佳新聞獎」四組冠軍共十一個獎項,噚日頒獎禮喺君悅舉行,政務司司長曾蔭權做主禮嘉賓。八方見《蘋果》同事一次又一次上台攞獎,工作成果得到肯定,都戥佢哋高興。

對批評肯反省
煲呔曾到場,當然要仔細欣賞得獎作品,不過當佢睇到「最佳新聞寫作冠軍」,係《蘋果》一篇講中國貴州窮孩子艱苦求學嘅報道,煲呔神情非常疑惑。其實難怪司長諗唔明嘅,因為《蘋果》唔聽話,所以記者想返內地採訪都難過登天,咁又點會去到貴州?
跟住煲呔曾企喺鄭逸宇張特寫組冠軍相「無間渡」前,左睇右睇。呢張相捕捉咗霧在海天間嘅奇景,煲呔睇完一輪,終於忍唔住問:「有冇做手腳㗎?因為好易做。」八方問返鄭逸宇,佢話司長冇講錯,以現時科技真係好易做出特別效果,不過佢呢張相就冇花冇假,你估班評判流㗎。
煲呔都算熟悉新聞運作,唔怪得龍永圖話香港傳媒唔中肯,佢即刻挺身而出為港辯護,講番啲似人講嘅說解畫。事後重透過發言人話,政府唔可以厚住面皮,就算有啲唔舒服,亦不可面對批評若無其事,一定要反省檢討。


傳真︰2623-9278
電郵︰[email protected]
empty
本報編輯部代表秦穎雯(右)同周國生(中),從九鐵主席田北辰手中取得二○○二年最佳標題冠軍獎項,非常高興。