日聯二哥大阪飛腳（白衫）雖然近況不算好，但入球能力強，周日聯賽到訪橫濱水手時，相信入球不會少，取[2.5球]入球「大」。（球賽編號：星期日12；有線61及201台今日4:00pm直播）
飛腳以八戰15分排第二，落後榜首浦和紅鑽四分，但與三、四位的神戶勝利船及鹿島鹿角同分，為了突圍兼追近紅鑽，今役就算作客仍會全力爭勝。

不過，水手實力不俗，而且剛於日聯盃反勝新潟天鵝，士氣不俗，因此就算飛腳受讓平/半，下盤亦未必值博，寧取入球「大」；畢竟飛腳近三場就入了11球之多，其中攻擊球員堂安律近兩場共入三球，而水手亦有前鋒曉高韋拉等把握力強，今役預計入球不會少。
至於周日另一場心水日聯，是飛腳同巿球隊大阪櫻花可在主場擊敗川崎前鋒，平手盤捧櫻花。櫻花今季回升日聯後表現不俗，其中星級中場清武弘嗣已告傷癒兼在上場日聯盃擔正，料續任正選，而腳風順的前鋒杉本健勇亦復出。前鋒今仗陣容頗殘，除了有中場伊度亞度尼圖停賽外，還有家長昭博等八名傷兵，今役又要作客，難看好。
文：吾中