上星期三港視開台至今，第一日因為人太多，搞到downserver，好多人都開唔到，港視方面公佈有60幾萬個裝置收睇港視，去到今日經過一星期，港視fb又再開po公佈收視，小編寫道：「有見於開台日出現的網絡擠塞，我們已立即加大頻寬，由原來的350Gbps，增加到410Gbps，令有關情況得到舒緩，市民亦可流暢地收看香港電視的節目。基於外界對新媒體表現的關心，我們綜合了開台首星期的表現，供大眾參考。」

佢公佈嘅「點播」收視，由開台嘅19號，到今個星期二(25號)，每日平均收睇香港電視節目嘅獨立登入用戶就有20萬5千，每個登入用戶平均睇53分鐘，而曾經喺過去7日曾經登入去港視睇點播嘅用戶就有59萬個。

直播方面，每日平均收睇嘅數目就有35萬8千個，每個裝置平均會睇42分鐘，過去7日曾播放電視直播嘅裝置更加有超過140萬部。呢啲都未包括訪過互聯網去收睇，過去7日透過互聯網收睇港視嘅瀏覽器，就有超過52萬個。

咁樣計法真係清清楚楚，點樣都俾大台得800個機頂盒計收視嚟得均真。