環保回收是本港近年新興行業，有業內人士指由於工作較為辛苦，較難招聘港人工作，加上非法勞工工資便宜三分二，部份開設在新界偏遠地區的回收場鋌而走險僱用非法勞工。
香港環保回收總商會主席梁沛倫稱：「請香港人最少要300蚊一日，但好多人嫌辛苦，寧願攞綜援都唔做；非法勞工就只係100蚊一日，人多不特止，仲要捱得，所以有人會冒險請佢哋。」他說，聘請非法勞工的回收場多數設在新界，主要原因是警方較少巡查：「市區嘅場唔會咁做，因為差唔多每個月巡一次。」
梁又說，以往非法勞工多為內地人，但近年南亞裔的非法勞工較多：「因為南亞裔啲人嚟香港易啲，佢哋好興用同鄉嘅身份證求職，雖然佢哋啲樣好似好難分，都知道佢哋係無證㗎嘞，否則點會肯收100蚊一日呀。」