神劇《太陽的後裔》男女主角宋仲基、宋慧喬將於下月31日結婚，早前雙宋更被捕獲到合體飛去美國洛杉磯，疑似係於當地拍攝婚照。而宋仲基早前收到Netflix新劇《王國》嘅演出邀請，不過宋仲基最終都係拒絕演出。

今日宋仲基所屬事務所方面表示：「宋仲基因為忙於籌備婚禮，因而拒絕演出《王國》，而劇組亦向其他演員發出邀請，主演陣容好快就會定落嚟。」

據知宋仲基雖然收到好多演出邀請，但目前佢只能一心忙於準備婚禮，而且《王國》原定下月開拍，演員需要為劇集投入一年嘅時間，可能因為時間唔夾，宋仲基因而辭演。

另外，喬妹去美國之後一直未有更新Instagram，不過今日清晨終於公開一張風景照，有網民估計喬妹已秘密返韓，照片係佢於機場回家嘅路上拍攝。