樣貌一向被指不及「青年新政」黨友游蕙禎咁搶鏡的鄺葆賢，喺區選爆冷擊敗「西九新動力」成員劉偉榮後，噚日正式上任黃埔西區議員。自稱「葆議員」的鄺葆賢噚日誠意十足，親自落區舉牌祝市民新年快樂，通知市民「葆議員上任喇」之餘，又喺fb上載大頭相。可能係角度問題，相中嘅佢睇落同平日好唔同，吸引唔少網民讚佢「索咗」同「萌咗」，又讚佢係「女神」，更有網民大表難以置信，留言話懷疑葆議員「不誠實使用電腦」喎。