【TVB變天】袁花長年掌新聞部 良心員工逃亡 「反送中審查加劇」
蘋果日報 2019/12/16 11:51
TVB袁志偉員工逃亡潮
《蘋果》製圖
TVB電視助理總經理袁志偉掌管新聞部十多年，先後擔任助理總監、總監一職，經歷「七警案」自我審查風波後，於2016年晉升為新聞及資訊部助理總經理。在他管治下，良心員工屢爆逃亡潮。據了解，反送中運動後至少有13名新聞部記者，因不滿TVB政治取態相繼離職。有前記者透露TVB寫稿有「潛規則」，批評上司改稿先斬後奏，令前線意興闌珊，但即使袁下台，亦難以扭轉內部文化。
過百名TVB現職員工早於今年8月在「連登」附上大量員工證發出公開信，譴責新聞部「望住警黑勾結、TVB就睇極唔見」，斥責「警察濫權，袁志偉就繼續強權」。有不願具名的前TVB新聞部記者表示，自我審查情況在反送中運動後有加劇趨勢，不滿高層喪失新聞自由意志，往往跟隨警方口吻定性爭議事件，以元朗7.21白衫人無差別攻擊市民為例，TVB報道便以「元朗站打鬥」、「暴力事件」形容，「係咪警方講咩就等同事實呢？」而防暴警察發射催淚彈、開槍等畫面，「通常都唔會有VO（旁白）」，但描述示威者的行動則繪形繪聲。
上級改稿手法尤其令前線記者不滿。他指，稿件內容通常會經由採訪主任、編輯審核，即使定稿後，「某啲老細會做手腳，去剪片嗰度直接剪走某句旁白，但唔會叫你再寫⋯⋯理由都係話要整個短版、條稿要更新」，記者待新聞片段播放後才獲悉改動。
他直言，編輯部人員思想亦傾向保守，不少報道都靠記者嘗試向管理層爭取、以卵擊石，「好多記者喺入面掙扎求存，個心係極難受，如果冇咗佢哋，CCTVB就真係冇咗個B，變咗中央電視台」，冀市民尊重和體諒記者處境。
另一名已離職的記者亦舉出部份直播旁述的禁忌，例如避免講警察用警棍打人，要改為「揮動警棍」；當警員向示威者發射橡膠子彈或布袋彈等武器時，要講成「舉起防暴槍發射」。他説，隨着「唔聽話」的資深記者流失，出現青黃不接情況，「新人就更加唔夠膽挑戰老細」，聘用的替補人選多數轉職自親中媒體，「TVB新聞都係冇得救」。兩位TVB前記者都直言，即使袁志偉下台亦無法扭轉自我審查風氣，「第二把交椅」、新聞部總監黃淑明作風大同小異。
早於佔中時期「七警案」，袁志偉時任TVB新聞及資訊部總監，便下旨要求報道刪去「暗角、拳打腳踢」的旁述，辯稱要「留待觀眾自行判斷」。但後來一段新聞部員工大會錄音曝光，疑似袁的聲音多次訓示記者：「你係嗰幾個警察心裏面嗰條蟲？特登拖佢去暗角拳打腳踢，憑乜嘢？」而決定播出該片段的時任助理採主何永康，事後被降職至首席資料搜集員。事件引發新聞部員工聯署表達不滿，隨後多名員工亦相繼離職。
記者 梁銘恩