滴滴出行上個月初出新App「DiDi」，並將逐步取代原有嘅「快的Taxi」。雖然「快的Taxi」乘客版到依家都仲用得，但滴滴出行為谷「DiDi」上客，陸續單向凍結司機「快的Taxi」戶口。

今朝「快的Taxi」司機版，出現大規模戶口凍結。有司機批評，「DiDi」介面唔方便，搶單又慢，加上客少，所以對於滴滴出行迫司機轉會大感不滿。

滴滴出行發言人指，「快的Taxi」今朝系統進行升級，令部分司機暫時用唔到，現已逐步恢復正常。發言人又指，為鼓勵司機用新App，每日用「DiDi」接三單送100蚊超市券，五單送150蚊超市券，日日有獎。另外，乘客就坐兩程車，獲送50蚊CitySuper、萬寧或Starbucks現金券。

蘋果財經，關心你飯碗
http://fb.com/appledailyatm