當年今日
關於我們

【世盃神射手】踢櫻花傳年薪3,000萬 科蘭亞冠曾入關鍵球

蘋果日報 2018/01/04 18:04

傑志亞冠盃香港足球大阪櫻花科蘭山東魯能港超聯

【新增動新聞】
科蘭喺2014年加盟大阪櫻花,當時34歲嘅佢仲係烏拉圭國腳,有份踢當屆世盃,叫座力當然高。作為當年日職頭號球星嘅佢,年薪有傳係大約347萬美元(約2,713萬港元),比同期嘅頂薪球星田中 鬥莉王同遠藤保仁嘅150萬美元高兩倍有多,雖然佢喺日聯就踢得唔多特別,不過喺亞冠盃分組賽入過兩球,特別係尾輪射入作客反勝山東魯能嘅一球,幫球隊驚險拎到晉級資格。
當年櫻花喺亞冠E組同浦項制鐵、山東魯能同武里南聯同組,踢到第3輪主場4:0炒武里南聯先開齋,科蘭喺呢場嘅補時階段先錦上添花,射入埋齋嗰球,幫助實質唔大。而去到尾輪,賽前只得5分嘅櫻花,只要作客打低魯能,都可以次名出線,不過魯能前鋒路夫上半場射入領先一球,換邊後1分鐘櫻花先靠柿谷曜一朗追平,而48分鐘科蘭射入反勝一球,加上當時已經提早鎖定首名嘅制鐵,主場鬥武里南聯踢成0:0,櫻花亦都驚險出線,不過16強兩回合計就2:5慘敗俾廣州恒大出局。
科蘭當時嘅年薪咁高,值唔值就見人見智喇!
---------------
BFB CHAMPIONS 2.0 新年活動大放送!每日免費11連抽!立即加入 http://bit.ly/2xrTKGM