劉小麗料最快聽日（周二）宣佈出戰九龍西補選，希望替民主派重奪議席，相信會為呢場九西補選風暴，揭開序幕。話事話吖，上次3.11補選落敗嘅姚松炎，早前都甚至現身小麗出席嘅公開場合撐場，但日前山竹襲港前夕，兩人就罕有一齊現身土瓜灣，直播討論巿區重建同土地供應問題，唔通想令大家有種，風雨同路之感？

小麗喺片中都話呀，好耐無見姚教授咯，覺得香港人好需要姚教授嘅資訊，又大讚姚教授喺現時香港政局中係好難能可貴嘅人，因為佢有好多專業同經驗，可以揭穿政府喺土地規劃上「出術」之處，「所以政府先咁憎佢（姚）」。禮尚往來，姚教授就提及過去喺立法會，曾經同小麗成功爭取舉辦墟巿嘅程序，又大讚小麗努力爭取興建醫院有成果。

八方見佢哋打孖做直播時，風和日麗，而暴風雨夕嗰種平靜，往往最得人驚.....