當年今日
關於我們

【《男朋友》集集追】終於接受朴寶劍? 喬妹:讓我哋喺曖昧中再見面

蘋果日報 2018/12/12 21:55

朴寶劍宋慧喬男朋友

由韓國神劇《太陽的後裔》女星宋慧喬孖朴寶劍主演嘅tvN新劇《男朋友》上月28號首播,今日播出第5集,港迷稍後可於「黃Viu煲劇平台」同步追睇。
今晚劇情承接上一集講到首爾市長嘅女兒車秀賢(宋慧喬飾)喺古巴遇上平凡青年金振赫(朴寶劍飾),回韓國後朴寶劍成為喬妹下屬,有匿名人士瘋傳喬妹利用權力同酒店年輕職員交往嘅消息,喬妹喺公司受到單打,朴寶劍勇敢上前,當眾邀請喬妹食拉麵,喬妹欣然答應,仲撇甩司機及秘書同朴寶劍離開。
兩人去到朴寶劍老師經營嘅茶館,老師好奇喬妹係唔係佢女友,而朴寶劍就指自己代喬妹出頭唔會覺得後悔,並再次表明自己對喬妹嘅真心,表示:「我不是開玩笑,我決定要做一個對代表(喬妹)有意義嘅人。」
喬妹同朴寶劍返到公司時引來同事關注,亦被追問同喬妹嘅關係,朴寶劍指二人喺古巴認識,並唔係大家所想嘅那種關係。喬妹見到朴寶劍因為同事關係而受到議論紛紛,於是就send短訊畀朴寶劍,朴寶劍仲趁機約喬妹去美術館。兩人去睇展覽展開浪漫約會,朴寶劍講解時輕輕搭住喬妹膊頭,令喬妹有點唔自在,而朴寶劍更想再約喬妹下次約會,原本喬妹下意識想拒絕,但最終都唔忍心。
喬妹同朴寶劍去到男方朋友嘅小店食飯,喬妹走後,朴寶劍就被朋友及弟弟追問情況。而喬妹前夫亦去調查朴寶劍,事實上前夫對喬妹念念不忘,手機放嘅正正係喬妹嘅照片。而喬妹亦向秘書兼好友直認自己對朴寶劍很好奇。
喬妹內心大感掙扎,邊喊邊揸車,點知又去到展覽場地,仲同朴寶劍相遇,足證二人十分有緣。朴寶劍義無反顧表達自己對喬妹嘅感情,朴寶劍再次大膽問喬妹:「我們在這曖昧嘅時候再見面怎麼樣?」猶疑嘅喬妹含淚話:「讓我哋喺曖昧中再次見面吧。」間接接受咗朴寶劍,兩人情深對望,齊齊展示笑容。
相關新聞連結:
【第1集】 古巴浪漫初遇 喬妹夕陽下挨實朴寶劍
https://bit.ly/2QsFt9I
【第2集】喬妹重遇朴寶劍 兩人甜蜜食拉麵登熱搜
https://bit.ly/2EbSyi1
【第3集】朴寶劍漏夜飛車見喬妹 深情表白: 想見你所以才過來
https://bit.ly/2AXpjvj
【第4集】朴寶劍冧送生日禮物 當眾約會喬妹食拉麵
https://bit.ly/2BaWrj6
精選韓流,喺晒《娛果》
http://fb.com/appledailyent
empty
兩人去咗茶館約會
empty
朴寶劍再約喬妹去睇展覽
empty
兩人感情更進一步