雖然天文台就話今個星期日會轉涼，但呢幾日都仲係天氣炎熱，一個唔小心就好易病，而陳柏宇就中咗招喇。噚晚佢喺IG貼咗張自拍，就話：「應該係...病。」過咗一陣，佢再貼咗一個探熱結果，就係38.4度，真係發燒，不過都冇影響佢搞笑啊，佢話：「好嘢！有得高！」

始終病都係要睇醫生嘅，再過咗一陣，佢又貼自拍話：「頭先係屋企探熱39.6。而家嚟到醫院探又得返37.8。」燒退咗少少咪好囉。不過病咗有老婆照顧係一件好sweet嘅事嚟，陳柏宇老婆就喺IG貼咗個限時動態，就話：「夜晚晚燒到差不多四十度，大肚婆帶條友仔去醫院。」雖然睇落有啲埋怨，但大家都知係一件好sweet嘅事吖。

精選娛聞，喺晒《娛果》
http://fb.com/appledailyent