韓流始祖裴勇俊今個秋天就會同Keyeast旗下女藝人朴秀珍結婚，原來仲已經搵咗同樣有咁上下份量、JYP事務所老闆朴震榮喺婚禮上唱歌，不過唔知有冇搵錯人呢？

朴震榮噚日上節目《無限挑戰》時，被主持劉在錫介紹佢會喺裴勇俊婚禮上唱祝歌，當被問到如果節目嘅歌謠祭同裴勇俊婚禮撞期，佢會點做時，朴震榮居然話：「同婚禮相比，《無限挑戰》歌謠祭更加重要，朋友會理解我！」咁即係，佢有機會甩底，咁俊哥咪多得佢唔少？

不過放心，節目主持鄭亨敦好快就話朴震榮得把口，唔會去唔到俊哥婚禮：「點會撞期吖！」令全場爆笑。