近日Coffee（林芊妤）同31歲CEO新歡林知譽爆出嘅「廁格大戰」，全城熱話，兩人被網民大起底兼爆料，話題真係講極唔完，Coffee日前已認錯兼返咗內地做嘢，男方就盛傳遠走杭州避風頭。

曾經做過爆料電視節目嘅莊思敏，噚晚喺灣仔出席一間餐廳開幕，佢以一個專業評論員分析及評論呢件事，佢話：「我有睇片，話係個女仔夾出來，我睇應該就唔會，就咁睇上去呢單嘢，冇人有得著。」

莊思敏更不忘笑下兩個主角：「仲以為年輕人先會咁血氣方剛。」之後佢又講番以前嘅歷史，話：「以前細個嘅時候，都知道身邊有朋友會喺廁格，嗰陣人未咁大，唔識尷尬，人大咗，嗰啲身邊朋友都冇再咁喇！」

莊思敏仲話自己來緊會有套新戲要拍床戲，對手就係黑仔姜皓文，仲話自己呢排要keepfit，想個身型靚啲上鏡。


【我撐公投】毅行直播

網頁: http://622popvote.appledaily.com