地產多聲道：四叔昅實恆基新盤省招牌
蘋果日報 2004/07/29 00:00
西灣河嘉亨灣係恒基今年重頭戲，聽講，主席李兆基好緊張，畀咗唔少意見，連好細微嘅地方都參與構思，好似主人房要設酒店式電話，都係佢主意。其他好似單位開則，四叔都一直好留意，難怪售樓處開放之前，佢都要親身去視察，睇吓有咩要改善。
嘉亨灣用料設計，恒基落足心機，好似三座樓王，A、B室主人房要用到按摩浴缸，比較少見。
至於三座頂層相連A室，選用Hoersch按摩噴射浴缸，係恒基樓從未見過。
另外，重有煤氣公司出品，嵌入式三爐頭合金煮食爐，德國Poggenpohl廚房套裝組合廚櫃，以及意大利Tecnogas焗爐，都係恒基樓首次選用嘅材料，難怪恒基話，呢類特色單位，每呎成本要二千蚊。
阿姐畢山搵樓
九龍塘傳統豪宅地段，向來受到唔少知名人士追捧。消息人士話，有汪阿姐之稱嘅汪明荃，噚日參觀畢架山一號現樓，好似話原本想買個近三千呎複式。不過，聽發展商講，個樓盤得番第五座頂樓連天台，一手複式已經賣晒，所以未聞汪阿姐扑槌。話唔定，佢會考慮轉投兩房同三房單位。
至於唔少藝人鍾情嘅西貢區，有消息話，男藝人鄧英敏噚日以四百八萬賣出南圍逾千七呎全幢村屋，呎價逾二千七。據悉，購入價為五百零三萬，蝕二十三萬。
嘉亨灣用料設計，恒基落足心機，好似三座樓王，A、B室主人房要用到按摩浴缸，比較少見。
至於三座頂層相連A室，選用Hoersch按摩噴射浴缸，係恒基樓從未見過。
另外，重有煤氣公司出品，嵌入式三爐頭合金煮食爐，德國Poggenpohl廚房套裝組合廚櫃，以及意大利Tecnogas焗爐，都係恒基樓首次選用嘅材料，難怪恒基話，呢類特色單位，每呎成本要二千蚊。
九龍塘傳統豪宅地段，向來受到唔少知名人士追捧。消息人士話，有汪阿姐之稱嘅汪明荃，噚日參觀畢架山一號現樓，好似話原本想買個近三千呎複式。不過，聽發展商講，個樓盤得番第五座頂樓連天台，一手複式已經賣晒，所以未聞汪阿姐扑槌。話唔定，佢會考慮轉投兩房同三房單位。
至於唔少藝人鍾情嘅西貢區，有消息話，男藝人鄧英敏噚日以四百八萬賣出南圍逾千七呎全幢村屋，呎價逾二千七。據悉，購入價為五百零三萬，蝕二十三萬。
新地繼獲《Euromoney》評選為亞洲最佳地產公司，同俾《FinanceAsia》選為2004年亞洲最佳地產公司後，佢哋嘅2003年度年報，喺國際ARC年報比賽中，喺其他企業組別中，攞到整體表現金獎，重係第二年獲獎。
新地副主席郭炳聯（圖四）話，集團會繼續致力提高業務透明度，同保持企業管治水平。
港島東有大型新盤醞釀開賣，長實唔輸蝕，準備短期內開賣東涌映灣園三期悅濤軒。
配合銷售工作，中環華人行一樓成萬呎售樓處，裝修工程竣工，噚日負責銷售嘅高級營業經理郭子威同埋劉啟文，率領成百名置業精英，喺售樓處舉行誓師同埋拜神儀式，期望銷售順利。
郭子威話，售樓處同示範單位，最快下周開放，隨即展開推售。
商場活動愈嚟愈多，同奧運有關嘅佔多，好似地鐵九龍灣德福廣場及青衣城商場，就用百五萬換上動感新裝。
至於恒基將軍澳新都城商場，上周末請咗外國體操隊嚟表演，令到人流增加兩成，達到十六萬。
另外，九龍建業旺角始創中心商場，下月底前辦「i-summer數碼巡禮」，包括書展、漫畫節及奧運有關活動，預料人流增加兩成半，營業額多一成半。
蘭西
電郵地址：
汪明荃參觀過不少九龍塘樓盤，噚日就去睇畢山。
畢山現樓示範單位，今日招呼傳媒參觀。
（圖四）
長實百名置業精英拜神，準備映灣園開賣。