要心理上好受，搬進一所房子有兩件事是必做的，換門鎖和廁所板。換新廁板前，趁舊廁板未拆下來就是洗廁的好時候，毋須洗擦，只須倒入廁所水?鏹水，動作要快且輕（伸隻手過去，別哄個頭埋去，並切記戴膠手套、瞇眼和閉氣）拿臨臨上蓋，閂埋門㖭，待它一齣VCD的時間，沖水，嘩，坐廁如新的一樣。
想房子看起來新淨一點，從細眉細眼處做手腳會有幫助。對付綑晒黑邊的浴缸，建議用搓成條狀的棉花，鋪上黑邊，落漂白水醃佢個隔夜，過水，至少白淨七成。對付暗啞水龍頭就用牙膏牙刷，當刷牙咁刷，刷完過水，新的一樣。牆上和門上殘留的stickylabel，用溶解液抹之，新的一樣。木牆腳線，用碧麗珠抹之，光澤如新的一樣。
其實，替房子美容是很好玩的。
（編按：康妮續稿未到，暫停一天。）