噚日係章子怡囡囡醒醒嘅兩歲生日，當晚章子怡就喺微博度分享咗同醒醒慶祝生日嘅相，當然唔少得汪峰同前妻葛薈婕所生嘅囡囡「小蘋果」啦，一家四口齊慶祝，十分溫馨。

子怡喺微博貼圖之外，亦寫下呢兩年來，做了媽媽嘅感想，佢話：「我們的醒寶兩歲了！15年的今天，這個小生命的誕生為我的生命畫上了濃墨重彩的一筆，我知道我會很愛她，可我不知道她出現的730天裏的每一分鐘都在讓我明白，沒有她的日子將會多麼暗淡無光，無趣脆弱，她的到來讓我柔軟又堅強，滿足又幸福。感恩有你，生日快樂醒寶！17.12.27」。

相中見到汪峰抱住兩歲嘅醒醒，一臉溫柔，難怪啲人都會話囡囡係爸爸嘅前世情人啦！而肥嘟嘟嘅醒醒，真係超級可愛！好多網民見到都留言祝醒醒生日快樂之外，亦有網民留言：「醒醒生日快樂啊！好有愛的畫面，祝你們一家子一直幸福下去啊」。

更多娛聞，喺晒《娛果》
http://fb.com/appledailyent