今日資深演員曾守明在紅磡殯儀館設靈，不少圈中好友都有到靈堂憑弔。曾守明出事後，在廣州協助曾太處理後事的袁潔儀，表示當日收到無綫藝員科訊息希望她幫忙，袁潔儀說﹕「嗰日我約曾太去當地公安局會合，咁啱我嗰幾日休息喺廣州，唔係啲乜嘢，識唔識都應該要咁做。今日事件我都從中學習，香港人內地出事應點處理，我同我先生講，有乜事我都要返港。」

袁潔儀表示與曾守明未曾合作過，她說﹕「好耐以前我喺觀塘住，曾經見過佢巡邏傾咗幾句，印象中好型，大家都係亞視出嚟，好有親切感。」問到近年不少圈中人離世，袁潔儀亦很感慨，她說﹕「走得開心舒服還好，但留喺度都要承受一個人嘅痛苦，好似曾太咁，幸好曾太有個18歲嘅仔，大個又乖，自己遲婚冇小朋友，將來會點都要自己編排好，唔好倚賴別人，要畀人知自己出事後想點，唔好揦手唔成世。」