丹楓控股（271）係咁意秤佢NAV，已經好吸引，趁跌買。丹楓喺鴨脷洲港灣工貿中心，應佔（建築面積．下同）33.6萬平方呎。贒到報紙代理廣告，港灣工貿個別單位，放盤呎價4,300蚊。以呢個數參考，丹楓應佔面積，已經值14.5億銀，超過本身市值13億銀。又集團另一壇重磅物業紅山半島，應佔17萬平方呎，以近排成交呎價1.6萬銀計，又值27億銀，合計值40億銀，比起資產負債表嘅29億銀，凸章11億銀。丹楓每股NAV冧多0.88元，而現價幾多？都係得1.12元。家陣市區土地供應缺乏，港灣工貿中心又係臨海筍地，又估吓有冇人吼？Before that，齋計上邊重秤，丹楓每股NAV近4.20元，折讓73%，好吸引。翻半番到1.70元計，折讓仍然高達60%。

中電新能源低吸

中電新能源（735）呢期調整消化超買。而啱喺上星期，集團就公佈授出購股權1.36億股，行使價0.514元，集團現價0.435元，低過呢個行使價，好勻真。再講，阿媽中國電力（隸屬國資委旗下）喺上年底增持，成本價都係0.40元左右。呢轉趁調整買入，短打博升20%到0.52元，啱先高過上邊購股權行使價少少。

錢雋