【擔心英國脫歐】《皇家特工》哥連費夫做意大利公民 擁雙重國籍
蘋果日報 2017/09/24 11:27
哥連費夫Colin Firth皇家特工：金圈子Kingsman：The Golden Circle
電影《皇家特工：金圈子》（Kingsman：The Golden Circle）男星哥連費夫（Colin Firth），近日擔心英國脫歐造成嘅影響，決定成為意大利公民，現時佢與意大利監製老婆Livia Giuggioli一樣擁有英國、意大利雙重國籍。
哥連費夫喺聲名提到自己永遠都係英國人，但因為一啲不確定性，決定全家人都擁有同樣嘅公民身份，佢嘅太太同兩名囝囝一早已經獲得雙重國籍。據英國《太陽報》報道，哥連費夫係於上月個申請意大利護照，當時佢做咗一啲測驗同面試，而其實哥連費夫之前受訪時都曾透露對脫歐嘅恐懼，佢話：「對我來說這是一個意想不到的災難。」
哥連費夫決定成為意大利公民，同意大利監製老婆Livia Giuggioli一樣擁有英國、意大利雙重國籍。
哥連費夫近日忙於宣傳《皇家特工：金圈子》。