當年今日

  兩大一笑泯恩仇 - 李八方

蘋果日報 2003/05/07 00:00


中大同港大今次打SARS,打交打到出晒面,真係失禮。其實港人對兩大嘅醫護同科研人員不眠不休咁治理病人,以及搵出真兇嘅堅毅精神肅然起敬,有說不盡嘅感激,但係見到港大醫學院院長林兆鑫最近喺《香港家書》對住個女大讚瑪麗醫院威水,冇一個醫護人員受感染,跟住影射威院無能,門戶之見之重,心胸之窄,實屬少見。林院長拍特首同楊局長馬屁,指兩人「以民為貴」,領導嘅政府防疫隊「出色果斷」,更何其難頂。
隨着港大委任中大沈祖堯為港大醫學院名譽教授,中大則委任港大袁國勇為中大醫學院名譽教授,八方但願兩大恩怨就此結束。這是個合作的時代。



傳真︰2623-9278
電郵︰[email protected]