余香凝新歌發佈會噚晚喺銅鑼灣舉行，細妹余潔瀅、好朋友廖子妤同Super Girls都有來撐場，現場佢就唱咗一首自己作嘅歌，呢首歌係寫一個男仔，但係嗰個唔係男友陳家樂。

余香凝話男友知道都好驚訝，因為首歌寫到好sweet，佢話：「我係送俾一個冇一齊嘅男仔，男友都以為送俾佢。」咁個男仔知唔知？佢話：「我估佢知，雖然好耐冇聯絡，但係就算佢升職拍拖，大家都有講，我之前做電台訪問我都有講呢個故事，佢聽到知邊個時間，我同佢曾經一段時間互相了解，佢表白，我拒絕，我屋企人分開，我唔開心，唔識笑，唔記得咗笑，識咗一個好無聊嘅男仔，就係嗰個男仔。」

師姐Super Girls都有來撐場支持，佢哋話非常之支持，但係講到余香凝拍電影依家撈過界，佢哋話：「其實我哋都係，演舞台劇，其餘4個成員拍電影。」之但係師妹入來公司咪搶資源，佢哋又話：「唔會，大家唔同風格。」但係余香凝即將開mini concert喎！咁佢哋唯有答：「睇公司安排。」