曼城新兵中場貝拿度施華因為之前代表葡萄牙出戰洲際國家盃，所以可以免役，唔洗隨隊踢國冠盃；不過，咁唔代表佢嘅狀態會麻麻，佢可能比其他隊友仲弗！點解？因為施華有個成日鞭策佢操練嘅靚女友雅麗茜雅囉！雅麗茜雅雖然喺摩納哥巿場部工作，不過佢就好鍾意運動，一有時間就同施華一齊操，就算喺度假時都唔放過做運動嘅機會，所以施華喺季初嘅狀態一定冇問題。