練馬師賀賢今季運氣認真麻麻，肯定係佢來港開倉後最差一個馬季，季內暫只贏得7Win，入Q竟高達26次，剛次（14日）夜賽「飛馬再威」全面性機會下，又影相輸馬鼻跑第二。

當事人手風雖差些少，但反映馬房為爭取頭馬仍在努力中，周日（18日）第八場打吡大賽賀賢雖冇馬出戰，但是其他場合兵力絕對夠份量。

最強的當然係上場應勝未勝僅敗的第五場「七十七十」，搏失後操練冇斷必求收復前失，同場潘頓雖揀「艮志騰雲」，但文家良季内未嘗有馬連捷叫人擔心，後駒强配岳禮華絕對有助力。

另外，第四場「勝利仔」回落三班即見加辣打磨，雖要負重磅，但以其能力跑三班要秤先。

再數就到第六場「宅大大」，眨眼間評分回落到89分，與上季贏「巴基之星」時一樣，今季第二仗當時評98分爭1400米，亦只是輸給「當家精選」跑第三，引伸至今場對手實力相比，「宅大大」點計都充滿競爭力。