29歲模特兒出身嘅郭思琳最近喺ViuTV嘅《G-1格鬥會》表現出色，以瘦削身形打贏重佢30磅嘅龍小菌。不過就被唐紫睿（Hazel）爆佢打MMA時出陰招，話佢抓臉扯髮好無品。

事後思琳話同Hazel有偈傾，唔明點解對方咁講。近日思琳都想遠離是非地，噚日係Instagram透露約埋朋友去菲律賓嘅長灘島旅行。去到陽光與海灘地方，思琳當然要「曬一曬」身材，穿上比堅尼大騷修長美腿兼32B健美胸。思琳仲貪玩着上人魚尾扮美人魚，留言﹕「為朋友我可以去到幾盡？睇我連扮美人魚咁有童真嘅事都夠膽做就知啦...嚟啦！盡情取笑我啦!」不過佢都hashtag話自己好騎呢。