三十名國泰機師在下個月開始，在駕駛飛機外，要兼任一年的導師工作，向一千名對航空一竅不通的青少年教授飛行知識。「好多十幾歲嘅中學生，生活都冇目標，唔知第日做乜好。希望我哋可以立榜樣……第日佢哋作文堂寫『我的志願』時，會填『機師』。」國泰女副機長胡淑芬說，現時做機師已不是遙不可及，就連對近視的限制最近也放寬了。
國泰「飛躍理想計劃」至今已有三十名機師義務參與。胡淑芬說，一千名十三至十八歲的青少年，將分為每五十人一組，由一至兩名機師任組長，他們可以隨便問機師問題，並定期與機師聚會。
年輕人會問甚麼問題呢？她說：「小朋友其實好聰明，飛機點解會飛嘅常識，佢哋好快明白，不過佢哋最有興趣嘅係一啲唔正經嘅問題，例如去完洗手間之後啲污穢嘢會去咗邊？飛機餐點整之類。」
該計劃將於本月十九日截止報名，國泰設有評審小組，選出入圍的青少年。查詢電話：27478625
記者：譚暉