【逆權羽將●2】機會主義者 「冇打波我係個廢青」
蘋果日報 2019/12/19 00:30
羽毛球伍家朗黃永棋廢青李卓耀逆權羽將
李卓耀目前男單世界排名17，明年計分賽只要更上一層樓便有機會首征奧運。
年輕雖是本錢，但羽毛球隊人才濟濟，競爭激烈，機會稍縱即逝，這道理李卓耀心裏清楚得很。他四歲起隨父親練球，小學已鋒芒初露，冠絕同儕，早立定決心走上運動員之路，「我成績唔好，對住書覺得好悶。」 他16歲從英華書院輟學，轉為全職運動員，「我好記得全職第一日嘅感覺，可以同一班世界水平球員一齊練波，呢樣嘢真係好開心。」
天外有天，人外有人，當時排在李卓耀前頭的港隊男單代表尚有伍家朗、黃永棋，甚至老一輩的魏楠和胡贇依然當打，「我喺度睇幾時到我去呢，到我完咗青少年，家朗大我兩歲、永棋先大我六歲， 我就諗點算呢，我又冇諗好難捱出頭，淨係諗要追佢哋。」李卓耀自比進攻型機會主義者，機會一到絕不手軟，比賽來回不到2、3次即跳起扣殺，動作誇張，激情四溢，活像一隻發條長旋的猴子，他不諱言自己表演慾強，予人感覺不認真，「人哋會覺得我玩緊，呢一樣嘢我自己都要改，好多世界頂尖選手好穩重，一球一球咁打，冇話我跳吓跳吓咁。」
東京奧運在即，除非同一地區有2人躋身世界前16，否則僅排名最高者出賽，港隊男單1哥伍家朗現時排第7，李卓耀則排17，明年計分賽只要更上一層樓便有機會首征奧運，「喺香港攞冠軍畀我自己一個好大好大嘅幫助同推動力，畀我更大嘅鼓舞去打奧運。」
假如當日李卓耀被雪藏後一沉百踩，又或他兩年前未有把握機會摘下新西蘭黃金大獎賽錦標，沒有羽毛球的李卓耀又會是誰？「冇打波我係個廢青」他斬釘截鐵說，「除咗打波，我冇其他嗜好，淨係話出去行街，但如果我冇打波嘅話，到時就係躝街唔係行街喇。」訪問那天我們來到他青衣老家，攝影師預備器材時，他在遊樂場中攀爬穿插，自得其樂，公關說兩星期內李卓耀最少有七個專訪邀約，我本擔心「車輪戰」訪問教他生厭，他倒悠然自在，全程投入踴躍，「冇問題，時間長唔緊要，我最驚悶啫。」
記者：洪量丰
攝影：何量鈞、王子俊
攝影：何量鈞、王子俊
兩年前李卓耀與伍家朗代表香港出戰全運會。 資料圖片
李卓耀父親為羽毛球教練，從小他已與羽毛球拍為伍。圖片由受訪者提供
家中擺滿多個獎項。