當年今日
關於我們

【愚人節常出現】fb網傳千嬅婚姻玩完 丁子高:呢啲我哋控制唔到

蘋果日報 2019/06/26 16:01

丁子高楊千嬅

楊千嬅與丁子高於09年結婚,二人生了兒子Torres,而Torres不知不覺間已7歲,而二人結婚今年亦10周年,人前人後都表現恩愛,而千嬅更夫唱婦隨,去年二人更自組公司,而丁子高更做她的經理人。
丁子高今日在IG就貼了一張facebook新聞截圖,英文標題指千嬅含淚與丁子高婚姻已告玩完,明眼人擺明識分辨是網絡上的FAKE NEWS,而丁生當然即刻澄清兩公婆婚姻冇問題,他留言:「近排好多朋友send呢個報導俾我,睇完之後覺得好無奈,好好笑。相信大家都明白,我亦唔需要多加解釋。」之後,他更有感而發近日太多網絡事件控制不到:「咁啱近排又有好多事件接二連三地發生,呢啲都係我哋控制唔到嘅。而家科技太發達,每個人都可以喺網絡上説話,甚至可以將一啲原有嘅訊息被攞走,所以出現咗好多唔同嘅意見及不實嘅報導,希望大家要過濾下網上資訊嘅真確性同埋注意賬戶加密安全。」《蘋果》就二人「婚變」聯絡過丁子高,暫時未獲回覆。
-----------------------------
7月4日起 《蘋果動新聞》只限升級壹會員閱覽
繼續撐蘋果!
empty
丁子高在IG帖文指在fb流傳「婚變」新聞是失實的。(IG截圖)
empty
楊千嬅與丁子高育有一子Torres。(IG圖片)