網民今天發起「和你塞3.0」，預計在下午1時阻塞進入機場的交通。港鐵及巴士公司今朝一早，分別暫停部份車站服務及線路，連累不少外遊的市民要提早4至5小時入機場，極為不便。

鍾小姐家住屯門，今日乘巴士，早4小時到達機場。她認為巴士公司的部份線路暫停，是宣佈得太遲。「停之前15分鐘先宣佈，太遲，其實都唔明，點解唔入得嚟！現在咁多警察持槍，更加（感覺）唔安全。」另外，她批評政府撤回「送中條例」是太遲，「如果早啲宣佈，後面唔會發生咁多嘢。」

去台灣的陳小姐，搭巴士由九龍入機場，同樣提早近5小時。她指機場一片和平，不明白巴士公司和港鐵的做法。陳說：「咁早CUT晒啲車，都無事發生過，點解呢？唔明點解要咁做。」

對於部份示威者的激烈行動遭人指責，陳小姐表示諒解：「『兄弟爬山、各自努力』，大家喺不同崗位發揮自己。其實大家立場唔同，但要全面啲睇吓，點解佢哋要咁做呢？係有原因，唔係為破壞而破壞。」而機場出現大批反暴警察反而令她感到驚訝，「咁快有防暴警察，唔知其他遊客點睇。」

【撐學生】
召集有心人 撐學生全年睇《蘋果》
立即按此

你敢爆，我敢獎！ 立即WhatsApp《蘋果》24小時爆相爆片熱線 或致電：63836568