【本報訊】特首林鄭月娥推出的「明日大嶼」計劃涉資近萬億，本港基建商亞洲聯合基建（711）行政總裁彭一邦認為填海計劃對香港有好處，因計劃有區域及效率性，即使造價昂貴，靠賣地亦能回本。

彭一邦認為填海要有一定規模及區域性，除了居住亦要考慮生活需求：「例如將軍澳海邊都係靠填海，個區夠大先有效率，小朋友要返學，仲有其他需求。」他又指政府不擔心回本問題：「有報告話只要賣四分一地就足夠回本，𠵱家只係擔心拉布問題箒。」

禮頓事件影響業界大

彭認為香港工程業界近兩年只得機場擴建項目，兩年後要看政府會否推出大型項目：「因為禮頓事件對業界影響好大，不過我哋主力仲係香港嘅工程公司。」故此公司要多元化發展，包括會投資巴士業務、教育以及海外工程。

主席彭一庭透露，目前跟廣州基金合作，於南沙區開設國際中學：「規模係幾十億，但參股未定嘅，個校園離高鐵站好近，香港坐車去只係半個鐘。」他看到未來大灣區有潛力發展部份業務，除了教育，集團亦會投資巴士業務，第一步在香港，下一步擴展至跨境：「同一間香港開咗廿年嘅巴士公司合作，因為屋苑好多巴士線，同公司本身嘅物業管理及保安護衞業務有協同效應。」他補充指，因市況不穩，分拆物管上市計劃已暫停。
記者：陳新政