近日頻頻飛去外地開工嘅IG女神倪晨曦（Elva），日前啱啱從德國回港，噚日即獲運動品牌邀請，到數碼港出席瑜伽活動，作客星級嘉賓，同500位女仔一齊做瑜伽。

前日先至喺德國完成工作回來嘅Elva，落機翌日又開工，但佢就話樂此不疲：「無論多累也需要做運動，瑜伽對於我來說，已是生活的一部分，其實越累越要做運動，加上今次活動好有意思，可以跟500個女生一齊做瑜伽很難得，亦是另類體驗，而且活動在室外舉行，對住大自然做運動更加心曠神怡，希望很快再有機會跟大家一齊玩，享受運動的樂趣！」

問到本身亦係瑜伽導師嘅Elva，今次係第2次參加幾百人嘅瑜伽活動，佢話：「很享受每年都可以參加這類有益身心的盛事，今次只是個序，其實我有個夢想，可以跟過千人或以上一齊做瑜伽，一起創造一個世界紀錄，打入健力士大全，那就最好不過了！」

雖然Elva係網絡女神，但除咗男fans外，亦有唔少女fans，佢哋不時喺網上請教Elva瑜伽心得，經常冇互動，甚至有人讚Elva啲示範好有用，令Elva覺得很有成就感。