陳法拉雖然唔再同無綫續約，但係今晚都有出席節目巡禮，宣傳重頭劇《法外風雲》(原名《傳愛事務所》)，就連《Oncall36小時II》都要讓路提早播出，擺明想捧陳豪做視帝，成為續約條件。無壓一身輕的法拉亦樂得風騷，滿場飛同人攬攬，見到阮兆祥時更來個熊抱，風騷非常。不過影大合照嗰陣，法拉就被「發配」邊疆，同港姐冠軍陳凱琳一齊企第一行最側邊，地位似乎已不及楊怡同鍾嘉欣喇。