茶餐廳可說是最地道的香港飲食文化,不少人一日三餐都在茶餐廳解決,有自稱在茶餐廳工作了十年的網民在網上吐苦水,數盡港人不禮貌的飲食文化,「香港人又無品又煩,好似大陸人咁。」
這名茶餐廳夥計指香港人有「卡位情意結」,「香港人無卡位坐食唔到飯㗎,一見到卡位就即刻衝埋去,好似有金執,有嚿屎佢都要坐。」
港人性急,埋位後便催夥計落單,「成日舉手唔放低,應咗佢話轉頭先,都仲係唔放低手,有時你幫其他客落緊單,佢都要你即時寫單。」他說食客落柯打後,旋即要送上食物,否則又舉手催促,「乜都催,要煮㗎,你估去麥當勞咩!」