憑新片《墮落花》奪得愛爾蘭「第八屆絲綢之路國際電影節」的最佳女主角的溫碧霞（Irene），今日聯同導演張卓斌及幕後，去到西貢登上遊艇，為奪得影后獎項切蛋糕開香檳慶祝，並於晚上出海共聚，在碼頭鄰近船隻乘客見到正在拍照的Irene，大讚Irene又靚又正。

Irene表示獲獎後一直沒有時間慶祝，兼且疫情影響，所以延至今天才與導演等人慶祝，Irene說：「之前冇慶祝過，只係一班朋友畀我驚喜，自己未遇過咁好嘅劇本、導演，攞到最佳女主角，又入咗咁多影展，還咗自己心願。」Irene指今次班底好，又有好對手，包括關智斌、艾迪及陳煒，她說：「一齊合作好滿足，老公好鍾意套戲，上映嘅時候都請咗好多朋友嚟睇。」

Irene透露將與《墮落花》同一幕後班底再合作拍攝新片，她說：「自己應該會做女主角，因為導演都好欣賞我哋今次嘅合作，齣戲係愛情懸疑片，現在初步構思，仲未定男主角，預計年底開拍，喺日本京都取景。」此外，Irene表示，會參與古天樂搞的疫情片，她說：「唔收錢冇所謂，最緊要振奮電影市道，好多業內人士都冇嘢做，聽到都好唔開心，自己要盡量支持。」

採訪、攝影：張明

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新