當年今日
關於我們

  小布殊膺新聞人物榜首 - 李八方

蘋果日報 2004/12/24 00:00


一年將盡,又係埋單計數嘅時候啦,城市大學語言資訊科學研究中心公布○四年港、台、京、滬四地「全年新聞人物榜」,香港「全年新聞人物榜」上,位列榜首係美國總統小布殊,第二位係台灣總統陳水扁,特首董建華排名第十一,長毛則排第二十五位,係唯一榜上有名嘅立法會議員。
調查機構指,香港人物榜上嘅二十五個名人中,政治人物佔十三個,其中三個係香港人,比去年六個為少,顯示今年香港政壇相對去年較為平靜。
香港人向來唔熱衷於政治,二十五個上榜人物中有七個係娛樂圈人物,已故嘅梅艷芳同黃霑都榜上有名,成龍則登上台灣全年新聞人物榜第二十四位,奧運百一米跨欄金牌得主劉翔係唯一分別喺港、京、滬都上榜嘅運動員。



傳真︰2623-9278
電郵︰[email protected]