當年今日

【遊戲好易玩】所謂執輸行頭
A欄過招唔放就笨!

蘋果日報 2018/05/25 00:00


禮拜日(27日)田草十一場賽事用全闊A跑道角逐,睇番最近4月29日同一移欄賽事,除了「有理共想」(高伯新馬房)後上贏馬外,其餘頭馬全部守前五位入直路建功。

其中「肇慶威威」、「開心遊戲」(羅富全馬房)、「鋒芒畢露」(苗禮德馬房)及「美麗傳承」(大摩馬房)更加放頭帶到。

另外「巴基之星」(告東尼馬房)與「天下為攻」(蔡約翰馬房)守前領馬之後貼欄包廂位捧盃,所以具前速之馬匹仍然要優先留意。

今戰列陣馬中,第十場「開心遊戲」兩次跑A欄1400米均勝出,快放馬贏完等番同一移欄再跑可以添食。

此外,第六場「瀟灑王子」(文家良馬房)近三次跑田草A跑道獲冠亞季各一,亦是全場唯一曾贏此移欄之參戰馬,重返強項有機會重開勝門。